MADRID AMOSA O TRABALLO MÁIS ACERTADO DO DESEÑO IBEROAMERICANO

Unha exposición que mostra dende hoxe en Madrid o traballo de 260 creadores é o escaparate máis visible da I Bienal Iberoamericana de Diseño (BID), ca que se quere contribuir a acercar "as dúas beiras do Atlántico". A mostra, aberta ata o 15 de febreiro no centro cultural Matadero de Madrid, reúne 316 traballos de nomes consolidados do deseño e novos talentos dos 22 países iberoamericanos, representativos do que se pensa, fai e produce en Latinoamérica, España e Portugal. Entre os traballos expostos, hai carteis, como os do mexicano Alejandro Magallanes; portadas de revistas, como as do arxentino Alejandro Ros; xoias, como as das bolivianas Claudia e Rosario Hinojosa; interiores, como os do brasileiro Nido Campolongo, e onzas de chocolate, da firma española Dieguez Fridman.

Aínda que a exposición do Matadero é a máis importante, non é a única que poderá ver o público na capital española con motivo da BID. Fiel á filosofía de reunir figuras consolidadas e novos talentos, a exposición "Gráfica Gráfica" mostra nunha galería madrileña os traballos do mexicano Magallanes, nado en 1971, e do español Daniel Gil (1930-2004), quenes, viviendo en tiempos e espazos distintos e distantes, comparten unha forma de concebir o deseño.

Ademais, a Casa de América acolle a exposición "Kabum! Mix", que reúne carteis feitos por nenos das favelas de Río de Janeiro, Salvador de Bahía e Recife, a partir de talleres coordinados por Felipe Taborda e Alain Le Quernec. No Museo de Artes Decorativas amosaranse mobles do chileno Cristian Valdés, o brasileiro Sergio Rodrigues e o español Ximo Roca, mentres que no Instituto de México en España pódense ver deseños de sillas de mediados do século XX e contemporáneos.

Paralelamente, haberá conferencias, debates e clases maxistrais que permitirán o diálogo e o encontro entre profesionais, estudiantes, empresas e todos aqueles interesados en coñecer de preto que propoñen os creadores iberoamericanos. A Bienal celebrarase cada dous anos en Madrid, na Central de Diseño do Matadero.

Parte dos traballos expostos saltarán dende Madrid a outras cidades europeas ou iberoamericanas, nunha itinerancia que preparará o camiño cara a seguinte cita en 2010.

P.D. FALANDO DE EXPOSICIÓNS EN MADRID ESTOU SEGURA DE QUE UNS CANTOS, OU CANDO MENOS GONZALO, ESTARÁ DACORDO COMIGO NA POSIBILIDADE DE NOS ACHEGAR A.... "STAR WARS. THE EXHIBITION"!!!!!!!!!!!! UUUUUUUUUUUUUUUHHH!

ATA OUTRA!

ARI G